Во текот на истрагата за ужасното злосторство во 08.40 часот на 3 мај годинава во Основното училиште „Владислав Рибникар“ во Врачар, кога момче уби 9 ученици и чувар, а рани шест ученици и наставник, вештачењето на неговиот телефон покажа дека меѓу другото, дека имал фотографии и од оружје.
„Рано е да се каже што покажале резултатите од вештачењето, бидејќи се уште се во тек. Можеме да откриеме само еден дел, а тоа е дека во телефонот на момчето се пронајдени фотографии од оружје“, вели соговорникот од истрагата за овој случај.
„На вештачењето има пиштол, молотови коктели, телефон, компјутер, неговата гардероба, како и лични белешки под кои припаѓаат – неговите тефтери, книгите што ги читал… А клучниот доказ е надзорот, камери од училиштето. Се верува дека на нив има снимки од овој незапаметен масакр. Работиме на тоа на кого се јавил, за што точно разговарал со луѓето со кои бил во контакт, дали се скарал со некого, дали имал некакви незгоди, невозвратена љубов, зошто главно сѐ девојки биле на мета, дали некому му се заканувал, дали некој му се заканувал.
Компјутерот е исчешлан буквално до денот кога момчето почнало да го користи. Затоа, детално се истражува што гледал, што го интересирало… Се истражува и дали со татко му вежбал гаѓање на друго место освен на стрелиште. Се истражува и дали можеби некому најавил што ќе прави. Исто така, не се знае како момчето ја знаело шифрата на сефот на неговиот татко“, додава изворот.
Инаку, Братислав Гашиќ неодамна во Собранието изјави дека работел на видео надзор во училиштето
„Видео надзорот работеше, беше во употреба и е земен во доказ. Кој повика полиција? Се јави помошникот директор на училиштето. Дали убиецот се јави? Да, и тој. Полицијата пристигна, но не можам да соопштам детали кои се многу важни за целосна истрага“, изјави Гашиќ.
Инаку, момчето убило обезбедување, а потоа им ги одзело животите на тројца ученици во холот од училиштето. Потоа влегол во училницата каде што се одржувал час по историја. Таму уби петмина. Да потсетиме, на момчето му биле потребни околу две минути да застрела 16 луѓе, за тоа време да смени чаури, да скокне од прозорецот и да повика полиција.
Според информациите од истрагата, момчето во средата влегло во училиштето во 8 часот и 40 минути, а две минути подоцна повикало полиција во 8 часот и 42 минути. Делото го извршил со пиштол ЦЗ99 кој му го одзел на татко му. По апсењето во неговиот ранец биле пронајдени уште еден пиштол и 4 молотови коктели. Крвавиот пир го започна со пет патрони. Неговиот татко е осомничен дека го оставил оружјето необезбедено. На сите обвинувања на истражителите рече „не е виновен“. Во станот, каде што живеел со синот, во сефот имал 5 пушки и два пиштола.
Како што беше наведено претходно, тој го однел својот син од 12-годишна возраст на познато стрелиште во Белград каде го научил да пука, а таму наводно бил и еден месец пред злосторството. По апсењето малолетникот не покажал никакво каење. Момчето моментално се наоѓа на психијатриско одделение.
Таткото на момчето убиец е во притвор во Окружниот затвор од 5 мај 2023 година според одлуката на Вишиот суд за кривично дело – тешко кривично дело против општата безбедност.
