Лука Модриќ, тајно допатувал во Белград за да се обиде со помош на докторката Маријана да ја санира непријатната повреда на мускулот што го одвои од теренот, дознава Спорт Клуб.
Модриќ се повреди на натпреварот против Џирона минатиот вторник и на почетокот изгледаше дека ќе биде подготвен за финалето на Кралскиот куп и за полуфиналната пресметка со Манчестер Сити во Лигата на шампионите. Сепак, по детална анализа, се покажа дека повредата е од посериозна природа и дека го чека пауза.
Затоа решил да побара помош од неприкосновената докторка Маријана. По нејзините чудесни терапии, закрепнувањето од повредата трае многу помалку време.
“Терапиите се толку силни што еден час терапија заменува една недела третман со која било метода во светот. Така, ако кажат дека мора да одмори еден месец, јас го решавам проблемот за четири часа”, откри еднаш познатата докторка.
Долга е листата на спортисти кои се лекувале од него… Од Дејан Станковиќ, Енди Марио, Алексис Санчез, Кристијано Роналдо и многу други.
Новак Ѓоковиќ пред почетокот на Австралија опен заработи тешка повреда на тетивата која му направи многу проблеми на воведните натпревари во Мелбурн.
Српскиот ас реши да се јави кај познатата лекарка, која го обиколи половина свет за да му помогне на српскиот ас да ја санира повредата. И таа успеа во тоа! Новак од ден на ден се чувствуваше се подобро и подобро и покрај сите проблеми успеа на доминантен начин да стигне до својата 10-та титула на Австралија Опен. За тоа и должи голема благодарност на прекрасната Маријана.
„Не можам да дадам детали и не сакам, но благодарен сум затоа што дојде. Уште пред да пристигне имав доста третмани со разни луѓе кои се тука и по повод овој турнир и кои Живеам и работам тука воопшто. Се обидов да дојдам до што е можно повеќе експерти кои ќе не упатат, секој на свој начин, што да правиме“, рече Ѓоковиќ и додаде:
„Се присетивме и на д-р Маријана која пристигна пред неколку дена. Таа патуваше половина свет за да дојде овде и нејзиното присуство и нејзината работа и терапии во последните неколку дена ми помогнаа и дефинитивно ги чувствувам придобивките од работата со неа“, откри српскиот тенисер.
