На крајот од минатата година, близнаците од дуото „Некст тајм“, Мартин и Стефан Филиповски, направија концерт за паметење со македонската музика во салата Јане Сандански.
Во интервју за Магазинот за туризам и менаџмент велат дека се горди на сите песни. За жал, немаат никаква поддршка од државата. Помош добиваат само од тие што веруваат во нив и во нивното дело.
Точно е тоа дека имавме доста добра година. На сите места каде што настапувавме, налетавме на многубројна публика.
На сите места и градови каде што оваа година не успеавме да гостуваме, се надеваме дека следната ќе успееме и ќе уживаме во овие песни.
-Сѐ е убаво во свое време, секогаш може подобро, но горди сме на сите песни што сме ги креирале досега. Бевме помлади, што би се рекло, бевме деца, и во тоа време сме размислувале така.
Сега, кога ќе се вратиме на авторската музика, верувам дека имаме нови идеи и желби како сакаме да звучи нашата авторска музика.
Соработката со Никола Мицевски ни донесе многу во кариерата, меѓутоа тајната на успехот е во тоа што заеднички како тим ги креиравме сите овие обработки.
Тој нѐ слушаше што сакаме ние, а ние го слушавме што има да каже тој, зашто сепак има повеќе познавање во оваа музика. Нашиот успех е заемен односно тимски, не е индивидуален.
Така, сметаме дека колку што добивме ние од неговите обработки или аранжмани, толку доби и тој од нас, да дознае дека сето ова го поседува или го има внатре во својата музичка дарба“, изјавиле Мартин и Стефан.
Со нашиот концерт покажавме дека македонскиот народ е желен и за македонските музичари. Тука се случија и други концерти на македонски изведувачи на кои публиката покажа дека си ја сака музиката.
Нормално е да се носат изведувачи од страна, но сметаме дека организаторите треба да создадат повеќе можности за македонските музичари“, додале тие.
– Се трудиме да ги балансираме разликите затоа што сега нас нè спојува и работата, а тоа е музиката. Искрено, знаеме да се налутиме еден на друг, но и да попуштиме и да не трае тоа многу долго, бидејќи од голема лутина нема добри резултати.
Така што, се прават компромиси и од една и од друга страна. Интересно е тоа што на крајот од денот кога ќе се најдеме на сцена, функционираме како едно.
Сметаме дека секој којшто се занимава со музика треба да истражува, импровизира и креира различни дела. Не би било добро да си ограничен од непознавање музика, тогаш не би требале да се занимаваме со неа.
Така и ние, во крвта наша е да испробуваме нови правци, да креираме нешто ново, макар и нов аранжман на стара традиционална песна“, изјавиле „Некст тајм“ за Женски магазин.
Како што е познато, „Некст тајм“ се сега на турнеја низ Австралија, а со нив свири Николче Мицевски, а на турнеја заедно со Мартин и со Стефан е и Влатко Лозаноски- Лозано.
Сега во моментов, македонскиот музичари се во Мелбурн, и ставаат дпста интересни слики од таму, а претходно беа и во Сиднеј и во други градови.
А, нашата фолк пејачка Татјана Лазаревска која со семејството живее во Австралија била во Мелбурн на пробата за нивниот концерт, се дружела со нашите музичар и напишала:
-Задоволство е да се слушаат овие прекрасни музичари. Некст тајм, Николче Моицевски. Генерална проба пред вечерашниот наста. П.С. Заради оправдани причини ќе го пропуштиме овој спектакл“, напишала Татјана.
Потоа шернала уникатно видео и на него се гледа како изгледа пробата на Мартин и на Стефан во Мелбурн, а во неа ја пеат песната „Нешто ќе те питам бабо“.
