Белградската полиција го пронашла исчезнатото девојче од Чуприја во станот на нејзиното момче. Според таткото, девојчето е добро и здраво.
– Чекаме полицијата да не повика, за да ја земеме нашата ќерка. Мајката од возбудата не може да зборува – рече тој.
– Соседите пријавиле во полиција дека мислеле дека виделе девојка во нивната зграда. По понатамошна работа, полицијата го пребарала теренот и ја посетила наведената локација и го пронашла девојчето неповредено во стан на Палилула каде што престојувала со нејзиното момче З.К. (20) – вели изворот.
За потсетување, девојката Е.Ј.(14) од Чуприја исчезна минатата недела во ноќта меѓу средата и четвртокот. Мајката на исчезнатото девојче секојдневно објавувала апели, а како што изјавила, група граѓани на Чуприја се организирале и тргнале во потрага по девојчето.
Мајката на девојчето редовно одела во полиција за да провери до каде е потрагата по девојчето.
– Скришно излезе од дома, утрото видов дека ја нема. Моето дете го нема една недела, што да мислам, што да мисли мајка – рече таа.
