Новак Ѓоковиќ доби еуфоричен пречек во Бања Лука каде српскиот тенисер настапи на АТП турнирот од серијата 250 насловен „Српска Опен“.
Тоа е прв официјален натпревар за најдобриот тенисер на светот во вториот најголем град во Босна и Херцеговина.
Во Бања Лука Ѓоковиќ беше пречекан од бројни навивачи кои го следеа од аеродромот до самиот град како би добиле слика со него. Со оглед на тоа дека е Велигден тој беше пречекан и со црвени јајца исполнувајќи ја традицијата за кршење.
Новак Ѓоковиќ со мала мака го совлада талентираниот Французин Лука ван Аш и се пласираше во четвртфиналето на АТП турнирот во Бања Лука.
Новак по мечот не го криеше задоволството од победата.
– Не беше лесно, ова е најбавниот терен на кој сум играл. Не можев да навлезам во теренот со шутеви, тој ги возврати сите удари.
Среќен сум за победата. Атмосферата беше одлична, ме туркаа да победам – рече Новак на почетокот на своето излагање, а потоа и се заблагодари на публиката за големата поддршка:
– Ви благодарам на сите што дојдовте, ова е најдобрата атмосфера во која сум играл. Игравме скоро три часа, вие останавте, а јас денеска победив поради вас. Ѓоковиќ сепак го пофали противникот.
-Тој е млад перспективен тенисер, ниту јас не знаев многу за него.
Го победи Вавринка, на тренинг се обидував да реплицирам што ќе се случува на теренот, му посакувам многу среќа и му благодарам што дозволи момчето да победи – се пошегува српскиот ас.
Многумина ги интересира до кога Новак ќе игра тенис…
– Се надевам дека ќе играм уште многу години, во животот никогаш не знаеш што ќе донесе утре, особено кога ќе имаш 35 години.
Многу ми е драго што успеав да победам и што и утре ќе играм на овој терен – заврши најдобриот светски тенисер.
Ѓоковиќ во четврт-финалето ќе игра против подобриот од дуелот, сонародникот Душан Лајовиќ и Французинот Грегор Барер.
А оној ко го поддржуваше Ноле на теранот е нашиот кошаркар Перо Антиќ, кој објави стори од Бања Лука во моментот кога Новак влегува на мечот, и се гледа дека Перо му е верен фан на Ноле.
