-Мојата музичка лична карта е песната „Аце, Аце“. Од кога сум во Мелбурн Австралија снимив неколку песни, но ниту една не го повтори успехот на оваа песна.
Планирам да снимам уште песни, а дали некоја ќе стане хит оставам на публиката да пресуди“, рече Татјана Лазаревска, нашата позната фолк пејачка за својот најголем хит, а потоа зборуваше и за својот Новица.
-Коалицијата Лазаревска – Василевски одлично функционира веќе 17 години. Кога има разбирање, поддршка и љубов, тогаш тоа е осудено на љубов“, искоментира таа.
Од празникот Водици во 2015 година, фолк пејачите Татјана Лазаревска и Новица Василевски живеат во Мелбурн, во Австралија. Во едно интервју рекоа дека не им било лесно да ја напушат родната Македонија, но сметале дека така е подобро.
– Главна причина беше: на децата да им се даде можност за поразлична иднина. Нема да кажам поубава, ќе кажам поразлична.
А искрена да бидам Новица и јас често зборувавме како сакаме да живееме надвор од границите на нашата држава, за да ја збогатиме нашата биографија“, рече Татјана во интервју за а svet-australia.com
Само да се потсетиме дека со оваа работа, мислам на музиката се занимавам веќе 25 години, но по образование сум професор за предучилишно образование, па така и овде во Австралија продолжив со образованието во таа област.
И еве сега работам како учиталка во градинка и ми е интересно да работам со деца. Секој ден со ново искуство и така заборавам на се’ што се случува во светот“, рече Тања во истото интервју.
Македонците прават свадби и веселби во Австралија, па работата на познатите фолк-пејачи им тргна, а Татјана често објавува лајф видеа како настапува.
Кога нејзиниот драг Новица, прослави јубилеен 50 роденден, и по тој повод Татјана му направи гала журка со сите салтанати, а и годините потоа, тие со музика и песна ги славата сите важни поводи.
Балони, торта, шампањско и сите нивни блиски пријатели околу, вака изгледаше оваа забава за јубилејниот роденден на Новица, според сликите и видеата што ги објави Татјана.
Меѓу гостите беше и Маријана Новачевска. Како подарок за својот сопруг, Татјана испеа дует со него, а тоа е песна од Лепа Брена, која таа своевремено му ја посвети на својот син.
Стиховите на оваа песна велат: Ја немам други дом, осим дома у срцу твом, осим тебе никога, на свету немам ја“.
Маријана Новачевска и Татјана ептен се дружат во Мелбурн. Одат задно на ручеци, на кафе, на шопинг, а еднаш објавија и видео како се заедно на плажа.
На новата слика која е објавена од страна на Маријана, Новица се покажал како ептен џентлмен, и двете дами ги однел на ручек за Осми март, денот на жената.
Арно ама, тие ја пиеле познатата македонската пијачка Струмка, среде Мелбурн, што Маријана и го напишала во описот на сликата:
Жени, мајки, сестри, вујни, тетки, мили божици, пријателки златни, да сте ми здрави и живи каде и да сте.
Една честитка од нас со Струмка“.
