Кошаркарскиот ас Перо Антиќ е секогаш актуелен по негвоите спортски успеси, но во едно интервју за Репортер, тој првпат зборуваше за разводот и за новата љубов.
-Кога почнав да играм кошарка, Марин Докузовски ме избрка од првиот тренинг затоа што сум доцнел. Тогаш по 80 деца како лубеници нè избираа кој го бидува а кој не.
Еден ден стигнав да играм во НБА, ама она што го направивме со Македонската репрезентација во 2011 е нешто на кое најмногу се гордеам. И тогаш го истетовирав македонското знаме на градите, вели Антиќ.
Татко е на три деца. Зад себе има брак со уредничката на Портрет магазин Ружица Максимовска, со која е во добри односи.
Подобро добар развод од лош брак. Не беше лесно да им објасниме на децата. Но, тие се најважни и тоа не може ништо да го смени, вели Перо, кој купил и стан во близина на поранешната жена за да може постојано да биде со децата. Во интервјуто кажува и за новата љубов.
Навистина сум среќен, открива Антиќ“. Подоцна, се откри дека новата љубов на Перо е Катарина Ивановска, наш познат модел која сосема кусо потвврди дека се среќни заедно, но повеќе не се огласија на оваа тема иако заеднички слики објавуваат на социјалните мрежи.
Перо Антиќ беше гостин во емисијата „Жешко столче“ со Никола Трпковски и зборуваше за многу приватни и професионални предизвици.
„Ајде да видиме што си спремил. Јас сум секогаш спремен’, му рече Антиќ на водителот.
Разговорот почна од тоа како Перо од обично момче станал НБА ѕвезда. „Јас сум обичен човек, обично дете од центар. Едноставно, сите сме исти, без разлика што работиме. Едноставно, треба секој да да се почитува“, рече Антиќ.
Перо рече дека се изненадил кога го поканиле во НБА, затоа што имал 32 години и не сакал да „му закуцаваат помлади“, како што рече.. „Знаеш кај нас како е, прва тема на маса, ако те закуца. Спонтано излезе и не сакав да бидам еден од тие што имале шанса да отидат а не отишле“, изјави Перо.
„Имав јас и претходно понуди, ама ги бирав парите, искрен да бидам. Трета мајка важи. Избрав да одам за помалку пари ама да го прифатам предизикот“, рече Перо.
Потоа додаде дека во исто време кога заминал во НБА, имал и понуда да оди во „Барселона“, но менаџерот му ја сменил кариерата на подобро.
„Со менаџерот не се слушаме после 10, а тој ми се јави во 11. Сакаш да одиш во НБА? Јас му викам: Што, Барселона пропадна? Не, само така те прашувам. И буквално испадна за пет минути да одам во НБА“, раскажа Перо Антиќ.
Перо за себе си рече дека е бунтовник со причина. „Таков е мојот карактер, имам и тетоважа: Мој живот, мои правила, но не со глава во ѕид. Сам создавам за себе и за својата фамилија и мислам дека треба да ги следам своите правила.
Секогаш главата горе, животот е школо. Ако ја спуштиш, значи нешто те натерало“, одговори Антиќ.
– За тебе има многу трачеви и озборувања, ти пречи ли тоа“, го праша водителот. „Ни најмалку. Ми пречи кога ќе им снема имагинација на луѓето. Едноставно ги чекам да идат подалеку.“
– Единствена девојка којашто ја прошета јавно по рзводот е девојката којашто одеше по модните писти.
Дали е вистина дека каде што има чад има и оган“, го праша водителот Перо, алудирајќи на муабетите дека е во врска со Катарина Ивановска.
– Кај што има чад има секогаш оган, ама не знам за кои писти збориш. За модните? Мислам, пратам мода, колку што можам пратам мода, се нодам со модата, во Америка живеев“, рече Перо.
За своите три сина, Перо рече дека во ниту еден од нив не го гледа својот наследник. Лука и Павел се во кошарката, но тој не им прави никаков притисок, туку им дава поддршка правилно да се развиваат.
Сега, Перо објави снимка од својот син Павел на кошаркарскиот терен, и очигледно е дека неговиот наследник е талентиран на татко си, и има големи шанси да го наследи со кошаркарските успеси.
