Гоца Тржан во една прилика истакна дека и таа сака да се средува и дека по толку години таа желба не исчезнала, туку дека има стилист, бидејќи не сака да купува работи кои на крајот ќе ги фрли или ќе ги даде на некој:
„Кога јас облакам кошула, мене ми е како фустан, а на Брена би и била како кошула, јас сум сепак ниска жена. Сакам да си играм со модата, на крајот на краиштата јас сум жена, тоа е некако во мојата природа.
Имам стилист кој ми носи гардероба, затоа што ми е поевтино да ја платам таму отколку сама да ја купам, ова е прескапо за едно носење, непотребно.
Внимавам на трошењето, а во спротивно, се трудам да бидам што поекономична кога станува збор за гардероба затоа што имам потрошено толку многу во животот и на крајот сето тоа го дадов или го фрлив. Во нашата работа тоа е неисплатливо“.
Кога станува збор за естетските корекции и пластичните операции, пејачката признава дека досега не била поддржувач на ваков тип на разубавување, но има една работа која би сакала да ја промени кај себе.
„Сè уште не сум опериранa, па тоа не е тајна, добар лекар против стареење, кој не ви ги наплатува сите пари и кој прави сè умерено, за да изгледа пристојно, е океј со мене.
Никогаш не сакав да го сменам мојот личен опис. Сето тоа можеш да го фрлиш во вода, ако немаш внатрешна среќа и не си задоволен со себе, без разлика што си.
Тогаш нема шминка, гардероба, што може да ти помогне. Да сакав да се одлучам за операција ќе направев досега, ако нешто направев ќе беше липосукција на стомак и струк, не на лице,нема потреба.
Денес сѐ е нашминкано, може да се користат одредени производи за негување, но секако не сакам да изгледам како дваесет и петгодишна девојка,
тоа им го оставам на девојките во тие години, сакам да изгледам како добро воспитана стара дама“, искрена беше Гоца Тржан.
Пејачката Гоца својата наследничка Лена ја доби во 2007 година, од бракот со поранешниот сопруг Иван Маринковиќ, од кој се разведе во 2011 година, кога нивната ќерка имаше четири години.
Истата година го запознала нејзиниот сегашен сопруг, тапанарот Раша Новаковиќ, кој ја засакал Лена како да ѝ е татко.
Познато е дека Гоца и Иван не се разделија во добри односи, а пејачката сега изјави дека нејзината ќерка добила татко дури на четири години, кога во нивниот живот се појавил Раша.
Дали вашата ќерка имаше татко покрај себе?“, беше прашањето за Гоца во емисијата „Претрес“.
„Па, таа имаше од четиригодишна возраст, бидејќи јас и Радомир сме заедно, оттогаш. И таа и јас имаме среќа што тој влезе во нашите животи, што Лена има татковска фигура во куќата, здрава и нормална.
Тој покажува љубов кон мајка си и голема љубов кон неа. Здравото дете доаѓа од здраво семејство и среќно семејство, каде и мајката и таткото се среќни луѓе и тоа не мора да значи дека и двајцата мора да бидат биолошки родители“, пејачката беше искрена.
Гоца еднаш откри дека Раша е многу заштитнички настроен кон Лена.
„Тој е многу посесивен и заштитнички татко. Штом спомне момче, тој веднаш ќе се наежи, а јас му велам: „Аман човече пушти ја,“
Раша е човек кој многу добро знае да балансира меѓу нас двете, особено кога двете сме блиски“, признала Гоца во една прилика.
Пејачката отворено проговори и за тоа дека ѝ било многу тешко да го поднесе разводот, иако тоа не изгледало така во јавноста.
-Поминав низ густо и тенко кога се работеше за мојот развод. Колку и да изгледам како силна структура, тоа ме опустоши.
Кога ќе излезам на улица, имав впечаток дека на челото ми пишува разведена, ѓубре, бидејќи тоа е сликата, за жал, создадена од мојот поранешен партнер за мене во медиумите и никој не сакаше да ја слушне мојата страна.
Јас инаку од самиот почеток создадов слика во медиумите на отворена, весела, луда жена која нема апсолутно никакви та буа, рекла за крај Гоца.
