Името на Драгана Мирковиќ ќе го најдете во музичките приказни, но и на листите на најбогатите јавни личности, како во регионот, така и во Европа.
Нејзиното богатство е предмет на дискусија на бројни странски сајтови кои го проценуваат богатството на познатите. А кога ќе погледнете што прави пејачката и со што располага, ќе го добиете одговорот што и донесе милиони и милиони долари.
Драгана, која кариерата ја започна во осумдесетите и која до 2017 година издаде 21 албум, заработува и од основната професија – пеењето.
Иако интернетот и Јутјуб, како негов канал, значително ги намалија приходите од продажба на ЦД-а, меѓу обожавателите на Драгана има голем број на оние кои до своите омилени песни сепак стигнуваат на стариот начин, со купување дискови.
Кога станува збор за најпопуларниот канал на интернет, YouTube, Драгана има и свој забележителен простор на него.
Таа достигна 100.000 следбеници, а потоа ја надмина таа бројка.
Не сметајќи ги трошоците за интернет услугите, обожавателите можат бесплатно да пристапат до нејзината музика.
А, како што можеме да видиме на нејзиниот официјален канал, нејзините музички спотови и снимки од концерти привлекуваат рекламни компании, што и носи значителен профит.
Сепак, многу позначајни извори на приход се оние создадени од заедничките деловни потези на неа и нејзиниот сопруг Тони Бјелиќ. На прво место е телевизијата „ДМ САТ“, комерцијален ТВ канал на чело со пејачката.
Кабелската и сателитската телевизија е основана од Драгана и Тони во 2005 година во Пожаревац.
Тие брзо стигнаа до листата на најгледани канали, борејќи се за престижно место во морето на комерцијални телевизиски станици.
Зад себе веќе имаат повеќе од 13 години успешна работа, а популарноста на Драгана несомнено придонесе за популарноста на „ДМ САТ“ (телевизијата ги носи иницијалите на нејзиното име и презиме).
Клучот за богатството на Драгана, според најновата проценка на веб-страницата „Net Worth Celebrities“ е 100 милиони долари, а веројатно е компанија за продажба на луксузни автомобили.
Меѓу клиентите има и голем број нејзини колеги, а пред неколку години Лепа Брена и Слободан Живојиновиќ го купија својот автомобил за 150.000 евра.
Пејачката не крие дека е одличен познавач на оваа марка возила, но и дека нејзиниот сопруг Тони е далеку поголем стручњак од неа.
Бидејќи Бјелиќ, кој со Драгана ги има ќерката Мануела и синот Марко, на сопругата и го префрлил целиот имот, скапата вила во Виена, украсена со кристали Сваровски, како и замокот во близина на австриската престолнина, кој семејството Бјелиќ-Мирковиќ поседува по купувањето се смета за имот на Драгана.
Веб-страницата „Алпја лајф“ според која која Драгана беше една од најбогатите јавни личности, моментално го прави најновиот пресек на нејзиното богатство. Дали резултатот ќе ги надмине овие 100 милиони долари?
