-Татјана Лазаревска ја запознав во ресторанот „Евро стар“ во Мелбурн“, раскажува авторот Раде Берак за порталот svet-australia.com.
Татјана овој текст го споделила на Фесјбук, а Берак на српски јазик го напишал на порталот.
-Не сум сигурен дали беше 2014 или една година подоцна, но беше зима бидејќи дојде наутро. Таа средба ќе означи меѓусебно почитување кое трае и нема причина да не биде вечно.
Таа тогаш, со сопругот Новица Василевски, кој исто така е пејач, и со двата сина Петар и Стефан, реши трајно да се пресели во Мелбурн.
Периодот на адаптација, носталгија, ново опкружување, нови луѓе… се само дел од она со што се среќаваат повеќето имигранти на петтиот континент.
Ниту на Татјана и нејзиното семејство не им било лесно. Освен тоа, им недостигаше поп-гламурот на кој беа навикнати во Скопје, но решија да се жртвуваат пред сѐ за нивните два сина и како што излезе, тоа беше полн погодок.
Денес, Тајчи, како што со милост ја нарекувам, и Новица, се добро ситуирани луѓе.
И двајцата имаат полно работно време, а музиката им доаѓа преку викенд како опуштање на душата, за лечење носталгија и секако за полнење на буџетот, затоа што треба да ги едуцираат своите синови кои се во тинејџерски години. Со ведар дух, жива и беспрекорен шоумен и згодна,
Тајчи постојано ги посетува градовите во Австралија, сама или со Новица. Нејзиниот музички репертоар е исклучителен.
Освен безвременските хитови „Аце, аце“ и „А бре чичо“ кои и обезбедија евергрин место на македонската естрада, таа без проблем интерпретира и српски, босански и други хитови од просторот на поранешната заедничка држава.
По тој повод, таа и сестраниот музичар-пејач од Босна и Херцеговина, Адмир Токиќ, го започнаа шоуто „Balkan Beats Night“ каде пред сѐ се собира средната генерација.
Не се гледам често со Татјана, се среќаваме на некои концерти на познати пејачи од стариот крај или случајно, како што се случи пред месец и пол во Сиднеј кога настапуваа на „Антико“ на Беверли Хилс.
Нашите состаноци се секогаш пријатни и искрени. Не се дружиме приватно затоа што веројатно разликата во годините и различните погледи на светот си го прават своето, но секогаш сум среќен кога ќе се сретнам со неа и со Новица бидејќи имам најдобро можно мислење за нив.
Мило ми е што ги надминаа првичните борби како сите ние и формираа круг на пријатели со кои ќе се дружат.
Нивните имиња се спомнуваат насекаде, во круговите во кои се движам, со почит и восхит.
Тие се, без сомнение, ѕвездите на локалната естрада и во исто време сосема обични луѓе кои без проблем ќе пијат кафе со вас (јас и ракија) и ќе разговараат за теми кои немаат допирни точки со музиката.
Таа е харизматична на сцената, но и покрај тоа носи неверојатна топлина во душата и ќе даде се од себе да го почитува секој нејзин следбеник и обожавател.
Слободно можам без резерва да кажам дека Тајчи е една од моите омилени естрадни личности и и посакувам голем успех во работата, бидејќи како што велат моментално е во најубавите зрели години.
И таа и Новица се прекрасни луѓе, големи уметници и чест ми е што можам да ги наречам пријатели“, стои во текстот.
По овој текст се гледа дека Татјана и Новица многу ризикувале кога одлучиле да отидат во непозната земја, да обезбедат иднина за синовите, но на крајот нивниот труд и работа се исплател, па денес тие живеат многу убаво во Австралија.
Покрај сите овие години заедно, Татјана и Новица сѐ уште ја негуваат својата љубов еден за друг, а она што е интересно е тоа што тие имаат тинејџерска љубов, а тоа се забележува по најновата слика на Татјана која ја објави на Фејсбук.
Имено, кај Татјана и Новица сега е лето, па тие отишле на плажата Соренто и на брегот направиле имитација од Титаник, прво како Татјана го држи Новица, па обратно.
Татјана во описот напишала „Кој е подобар ТИТАНИК“, а по фотографиите може да се забележи дека се многу среќни заедно, како од првиот ден.
